Posts

Showing posts from October, 2010

මගේ පැටවුන් ට බෙහෙත් විදලා...........!!!

Image
පුංචි කාලයේ මම එන්නත් වලට පණ බය ය. විදින තැනකවත් ඉන්නට කැමති නැත. නමුත් අද ඉන්නට සිදු විය. උදේ රැස්වීමෙන් පසුව විදුහල්පති (උ) තුමා පැමිණ "ටීච අද 7 පන්තියට බෙහෙත් විදින්න පී.එච්. අයි. මහත්තයා එනවා කිව්වා" යැයි පැවසූ විට මට සෑහෙන්න රිදුණි. පන්තියට ගොස් කියන්නට එපා යැයි උපදෙස් ද ලැබුනි.  3 වන කාලච්ඡේදයේදී මම සිටියේ 8 වන ශ්‍රේණියේ ය. වාහනයක් හා යතුරු පැදියක් පාසලට ඇතුල් වනු මට ඇසුණි. මම වහාම 8 පන්තියේ ඉශාන් ව ඒ කවුදැයි බැලීමට පිටත් කලෙමි. ඉශාන් දුවගෙන දුවගෙන නැවත පැමිණියේ ය. "ටීච ටීච සුදු පාට කැබ් එකකුයි බයික් එකක පොලිසියේ දෙන්නෙකුයි ආවා". මට බකස් ගා හිනා ගියේ පොලිසියේ දෙන්නා මතක් වීමෙනි. පේළියක් සාදවාගෙන අමාරුවෙන් මම 7 පන්තීයේ පොඩ්ඩන් රැළ පුස්තකාලයට එක්කරගෙන ගියෙමි. හෙදියන් දෙදෙනෙක් ද මහජන සෞඛ්‍ය පරීක්ෂක වරු දෙදෙනෙක් ද, දොස්තරවරයෙක් ද පුස්තකාලයේ විය. හා හාපුරා චතුරංගට පලමු එන්නත ලැබුණි.  පන්තියේ සිටින මැරයින් ටිකට දැන් උන ගැනී ඇත. මුහුණු බෙරි වී ගොස් ය. නම් දරා සිටි මැරයා වන උදාර "ටීච" ගාමින් මා වටා දැවටෙයි. අඩන්නට ඔන්න මෙන්නය. බලෙන්ම පුටුවක වාඩි කරවා

සංජු in වොන්ඩර් land

Image
හප්පේ..... වෙලාව කීයද? 6.30 යි කණ පැලෙන්න සීතලයි ඒත් පස්ස පැත්තට ඉර එලිය වැටිලා නෙවෙ. ඇදෙන් බිමට රෝල් උන සංජු ජනේලෙන් එලිය බැලුවා. නියමෙට සීතල පින්න. සිග්නල් ටිකක් බුරුසුවේ ගා ගත්තු සංජු තුවායත් ෆේස් වොෂ් එකත් අරගෙන බාත් රුම් එකට බඩ ගෑවා. අම්මපා මෙහෙ මෙච්චර අව්ව තියෙද්දිත් සීතල!!!  කට සෝදන්නට වතුර කටවල් 2ක් ඇතිය. කටේ දත් සියල්ලම හිරි වැටී ඇත. කටක් තියේ ද නැද්ද කියාවත් නොදැනේ. සංජු ට සනීපයක් දැනේ. සංජු කාමරයට දිව යයි. යාර 6ක් නමයි පටලවයි කටු ගසයි. කොණ්ඩය පීරයි. පෝනියෙක් දමයි කොණ්ඩ කටුද ගසයි. ක්‍රීම් ගායි ලිප් බාම් ගායි අවුට් ලිනෙ අදියි ලිප්ස්ටික් ගායි ග්ලොස් ගායි. ඒයෙ පෙරදා බොරුවට උස්සාගෙන ආ පොත් නැවත බෑගයට දමයි. සෙරෙප්පු දෙක දමාගෙන කුස්සියට දුවයි.   බත රෙඩි ය.තේ එක රෙඩිය. ඕපාදූපයක් කියවා අසල ගොවිපලෙන් ලබෙන කිරි තේ එකෙන් බාගයක් විසි කොට බසයේ නලා ශබ්දයට දුවයි.   "සුබ උදෑසනක් ටීච"  වටේ ට ම සුබ පැතුම් ය.   සංජු සතුටින් පාසල වෙත පිය නගයි. උදෑසන රැස්වීම. ළමෝ සියල්ලෝ ම තම තමන් ගේ කතා ය. ගුරු මණ්ඩලය තම තමන් ගේ කතා ය. විදුහල්පති(උ)තුමා තනිව බලා සිටියි. පහන් සුවද දුම් මල් ගෙන පොඩ